SAT Group artıq 6-cı dəfə ilin nüfuzlu tədbirlərindən biri olan SAT Forumun növbəti toplantısına start verir. “Satışın təkamülü” konsepsiyalı budəfəki forumda satışın inkişaf meyillərinə əsaslanaraq yeni bazarların gələcəyindən danışılacaq, aktual satış alətlərinin perspektivi fokusda saxlanılacaq. Həmişə olduğu kimi, bu dəfə də meydan təcrübəli satış adamlarının olacaq. Müxtəlif proqnozlar, yeni ideyalar, satış ipucuları, uğurlu satışları hədəfləyən fərqli yol xəritələri – SAT Forum yenə də maraqlı debatların mərkəzinə çevriləcək.

“Satışın təkamülü” forumu 3 paneldə təqdim olunacaq: “Satış alətləri”, “Satış idarəetməsi” və “Satışı artıran marketinq”.

Yeni bazarın konturları necə olacaq, hansı satış alətləri daha ön plana çıxacaq, satışların artırılmasında marketinqin rolu məhz nədən ibarət olacaq? Suallar çoxdur. Cavabları isə məhz SAT Forum-da ən peşəkar satış adamlarından eşidəcəksiniz.

Gəlin, “Satışın təkamülünü” SAT Forumda birgə canlı izləyək və dinləyək!